SEZIQINISEKISIWE izinguquko kuKhozi FM obekulokhu kubikwa ngazo, ezizoqala kusukela ngoMsombuluko.

SEZIQINISEKISIWE izinguquko kuKhozi FM obekulokhu kubikwa ngazo, ezizoqala kusukela ngoMsombuluko.

I-SABC ikhiphe isitatimende izolo iqinisekise ukuthi uKhathide “Tshatha” Ngobe usezoshayela uhlelo lwasekuseni iVuka Mzansi Breakfast Show noNongcebo McKenzie kusukela ngo-6.30 kuya ku-9 ekuseni phakathi nesonto. Ngaphambi kwabo kuzosakaza uPhindile “PhindiP” Phewa obekwiHighway Radio ngo-4 kuya ku-5 ngoLwesibili kuya kuLwesihlanu.

UDudu Khoza uzoqhubeka nokungena ngo-9 kuya ku-12 emini phakathi nesonto.

Ngo-12 kuya ku-3 kuzongena ithimba elisha uSelby “Selbeyonce” Mkhize noSiya Mhlongo.

Ngo-3 kuya ku-6 Ukhozi lugawule eMhlanga kwiGagasi FM uMzokhona “Mzokoloko” Gumede. Uzobambisana noNonhlanhla “Mroza” Buthelezi.

USipho “Sgqemeza” Mbatha uzokwenza iSithakela Isizwe ngo-8 kuya ku-11 ebusuku ngoMsombuluko kuya kuLwesine. Uhlelo luzodidiyelwa nguNomfundo Mkhize obethula uNkulunkulu noMntomusha.

UThokozani “MaFresh” Mpungose uzoqhubeka ne-Akulalwa ngo-11 kuya ku-2 ngoMsombuluko kuya kuLwesine.

NgoLwesihlanu ngo-8 kuzongena uSfiso “King Sfiso” Sibiya ngo-8 kuya ku-11 ebusuku neBhampa to Bhampa. ULindani Hlophe uzoyethule yedwa iNamba Namba.

NgoMgqibelo ekuseni kuzongena uBheka “Beekay” Mchunu neCothoza Mfana ngo-5 kuya ku-6 abuye neKhethelo ngo-7 kuya ku-9. IS’giya Ngengoma isizongena ngo-9 kuya ku-12 yethulwa nguTshatha noZimiphi “Zimdollar” Biyela.

UZimdollar uzokwenza neSigqi Sezwe ebesenziwa nguNgizwe Mchunu. Ngo-12 kuya ku-3 kuzongena iTop 20 noMandla “Njinji” Magwaza, kulandela iChillas noKing Sfiso.

UZandile “Zeal” Dladla usezokwenza iFakumoya. NgeSonto uSbu Buthelezi ubuyela kwiNdumiso, uBoniswa Moto enze iYouth ke Yona noNkulunkulu Nomuntu Omusha. Izingxoxo Zenkolo zenziwe nguLucky Nkosi.

UNonhlanhla “Mdonso” Ngcobo usezongena kwiKwasa Olungaliyo ngo-2 kuya ku-4 ngeSonto. #ISOLEZWE

Leave a Reply

Your email address will not be published. Required fields are marked *